Վայոց ձորի թեմապատկան «Սիրանույշ» ճամբարում Արենի և Գլաձոր խոշորացված համայնքների մոտ երկու հարյուր երիտասարդներ «Երիտասարդական համախմբում» ծրագրի շրջանակներում մասնակցեցին Վայոց ձորի մարզային փրկարար ծառայության կողմից անցկացվող արտակարգ իրավիճակներում արագ և օպերատիվ արձագանքման գործնական դասընթաց-վարժանքների։
Դասընթացի շրջանակում ՎՁՄՓԾ (Վայոց ձորի մարզային փրկարար ծառայություն) ներկայացուցիչները երիտասարդներին ներակայացրին արտակարգ իրավիճակներում կիրառվող կարևորագույն հնարքներ, երիտասարդների անմիջական մասնակցությամբ ցուցադրեցին գետանցման և տարհանման վարժություններ։
Դասընթացն իրականացրին Վայոց ձորի փրկարար ծառայության փոխգնդապետ Սուրեն Հարությունյանը, մարզային փրկարար ծառայության վարչության և ճգնաժամային կառավարման կենտրոնի ավագ հրահանգիչ, փրկարար ծառայության կապիտան Նիկոլայ Մկրտչյանը և փրկարար ծառայության ջոկատի սերժանտ Արսեն Այվազյանը։
Փրկարար ծառայության ներկայացուցիչները պատրաստակամություն հայտնեցին հավաքներից դուրս ևս կապ պահել երիտասարդների հետ և օպերատիվ կերպով պատասխանել երիտասարդներին հուզող հարցերին։
«Երիտասարդն է մեր վաղվա օրը, երիտասարդից է սկսվում հայրենիքը»․ փոխգնդապետ Ս. Հարությունյանն ավարտեց դասընթացն այս խոսքերով։
Հատուկ շնորհակալություն Վայոց ձորի մարզային փրկարար ծառայության պետ Հակոբ Սարգսյանին արդյունավետ համագործակցության համար։
———————————————————————————————
Ավելի վաղ տեղեկացրել էինք, որ հոկտեմբերի 8-ին Վայոց ձորի մարզի թեմապատկան «Սիրանույշ» ճամբարում Հայաստանի Հանրապետության օրհներգի ներքո և եռագույնի բարձրացման արարողությամբ ազդարարվեց «Երիտասարդական համախմբում» հավաքի մեկնարկը։
Հավաքի մասնակիցները Վայոց ձորի մարզի 8 խոշորացված համայնքների երիտասարդներն են:
Յուրաքանչյուր ուրբաթ, շաբաթ և կիրակի օրերին ճամբարում նախատեսվում է հյուրընկալել Վայոց ձորի մարզի մեկ խոշորացված համայնքի 18-30 տարեկան 100 երիտասարդների:
Հավաքներն ունեն երկարամյա բնույթ և դառնալու են մարզային միջոցառումների յուրօրինակ ավանդույթ։
Պատասխանել