Հայաստանի սոցիալական աշխատողների ասոցիացիա/AASW-ն, կարևորելով համայնքներում սոցիալական ոլորտի աշխատուժի կարողությունների զարգացումը, շարունակում է իր ջանքերն ուղղել համայնքներում մասնագետների կարողությունների զարգացման դասընթացների, ինչպես նաև միջոլորտային համագործակցությունը խթանող միջոցառումների իրականացմանը։
Սույն թվականի մարտի 15-16-ին և 21-22-ին Հայաստանի սոցիալական աշխատողների ասոցիացիան կազմակերպեց դասընթացների շարք նաև Վայոց ձորի մարզում՝ ուղղված ճգնաժամային իրավիճակների արձագանքման կարողությունների զարգացմանը։
Դասընթացներին մասնակցում էին Վայոց ձորի համայնքների սոցիալական ոլորտի աշխատակիցները, ինչպես նաև ՀԿ-ների ներկայացուցիչներ։
Հանդիպումների ընթացքում դասընթացների մասնակիցները ձեռք բերեցին ճգնաժամային իրավիճակներում գործելու հմտություններ՝ մասնավորապես երեխաների պաշտպանության կազմակերպում և նրանց դիմակայության ամրապնդում։
Դասընթացները վարեցին Հայաստանի սոցիալական աշխատողների ասոցիացիայի ներկայացուցիչներ՝ ասոցիացիայի նախագահ Միրա Անտոնյանը և Կարո Գևորգյանը։
Պատասխանել