Սույն թվականի ապրիլի 5-ից մեկնարկեց «Սյունիք-Զարգացում» ՀԿ-ի «Վայոց ձորի համայնքների բնակչության կենսապայմանների բարելավում» ծրագրի շրջանակում իրականացվող աշխատանքային պրակտիկան։
Աշխատանքային պրակտիկայում ներգրավվեցին Վայոց ձորի մարզի ակտիվ և նախաձեռնող 5 երիտասարդներ։
Աշխատանքային պրակտիկայի ընթացքում մասնակիցներին հնարավորություն է տրվում ծանոթանալ հաշվապահական աշխատանքի թե՛ գործնական, թե՛ տեսական մասերին, այդ թվում հաշվապահական փաստաթղթաշրջանառությանը, հարկային հաշվառմանը և ընդհանուր հաշվապահական հաշվառմանը։
Սա հաշվապահների երրորդ խումբն է, որ անցնում է աշխատանքային պրակտիկա «Սյունիք-Զարգացում» ՀԿ-ի «Վայոց ձորի համայնքների բնակչության կենսապայմանների բարելավում» ծրագրի շրջանակում։ Մինչ այժմ հնարավորություն են ունեցել պրակտիկային մասնակցելու 10 անձինք։
Ուրախ ենք ասելու, որ պրակտիկան ավարտած մասնագետներից 4-ն արդեն ունեն մշտական աշխատանք։
Աշխատանքային պրակտիկան անցկացնում են «Սյունիք-Զարգացում» ՀԿ-ի գլխավոր հաշվապահ Լիլիթ Ներսիսյանը, հաշվապահ Եվա Գալստյանը և հաշվապահի օգնական Դիանա Ստեփանյանը։
Լիահույս ենք, որ ծրագիրը նոր հաջողությունների և շարունակական աճի հիմք կհանդիսանա նաև այս խմբի ապագա մասնագետների համար։
Ծրագիրն իրականացվում է գերմանական «Հաց աշխարհին» կազմակերպության օժանդակությամբ։
Պատասխանել