Հուլիսի 27-ից օգոստոսի 1-ը Ջերմուկի համայնքային կենտրոնում գործող նախաձեռնող, ակտիվ երիտասարդների կողմից և կենտրոնի համակարգող Անահիտ Եղիազարյանի ղեկավարությամբ կազմակերպվեց «Արփա» ամենամյա ամառային ճամբար, որին մասնակցում էին 25 պատանի Ջերմուկ համայնքից։ Ծրագիրն իրականացվում էր «Սյունիք» ՀԿ-ի «Սոցիալական զարգացում» ծրագրի շրջանակում։ Ճամբարի նպատակն էր բարձրացնել Ջերմուկ համայնքի պատանիների իրազեկվածությունը տեղական բնապահպանական խնդիրների վերաբերյալ, ինչպես նաև սովորեցնել գնահատել և արժեվորել ազգային մնայուն արժեքները:
Ճամբարի ընթացքում քննարկվել են հետևյալ թեմաները՝
- բնություն, շրջակա միջավայր,
- պատմամշակույթային վայրերի պահպանություն,
- մեր ստեղծած աղբը,
- աղբից կիրառական առարկաների պատրաստում,
- պլաստիկի ազդեցությունը Երկիր մոլորակի վրա,
- ինչպես հրաժարվել պլաստիկից,
- սննդային մնացորդների կառավարում։
Ճամբարի ընթացքում մասնակիցները հնարավորություն ունեցան ճանաչողական էքսկուրսիա կազմակերպել Նորավանք վանական համալիր և Արենի քարանձավ։
Պատասխանել